မင်္ဂလာရှိသော နှစ်သစ်သင်္ကြန်မှာ ကဲမယ်ဆိုတဲ့ စာဖတ်ပရိတ်သတ်တွေအတွက် ခရမ်းလွန်ရောင်ခြည်နဲ့ ကျန်းမာရေးဆိုင်ရာဆိုးကျိုးများ

IT Bank စာဖတ်ပရိတ်သတ်ကြီးတွေ အားလုံး နှစ်သစ်မှာ ပျော်ရွှင်ကြပါစေလို့ ဆုမွန်ကောင်းတောင်းပေးလိုက်ပါတယ်ဗျာ။

ကျွန်တော် ဒီတစ်ခါတော့ ကျွန်တော့ IT Bank Site က သင်္ကြန်မှာ ကဲမယ်ဆိုတဲ့ စာဖတ်ပရိတ်သတ်တွေ အတွက် နွေရဲ့ နေရောင်နွေးနွေးလေး နဲ့ကျွန်တော်တို့ လူသားတွေရဲ့ ကျန်းမာရေးအကြောင်းလေး ကျွန်တော် လေ့လာထားသလောက်ဖတ်ရှုထားသလောက်လေး စာဖတ်ပရိတ်သတ်တွေကို မျှဝေပေးပါ့ရစေဗျာ။ကျွန်တော်ကတော့ သင်္ကြန်မှာ မကဲပါဘူး။ဘုန်းကြီးဝတ်မှာ ဆိုတော့ ကျွန်တော့ စာဖတ်ပရိသတ်တွေအတွက် ဗဟုသုတအနေနဲ့ကော ကျန်းမာရေးအရကော သတိပေးတဲ့ အနေနဲ့ပါ။

ခရမ်းလွန်ရောင်ခြည် သတိပေးချက်

ရန်ကုန်မြို့ အပါအ၀င် အခြားမြို့ကြီးများ၌ အရေပြားဆိုင်ရာ ရောဂါများနှင့် အမြင်အာရုံ ချို့တဲ့သည့် ရောဂါများ ဖြစ်ပွားနိုင်သည့် ခရမ်းလွန်ရောင်ခြည် အဆင့် (၁၃) နီးပါး ကျရောက်နေကြောင်း “ရင်ထဲက အမွေ” သဘာဝ ပတ်ဝန်းကျင်ဆိုင်ရာ ဆွေးနွေးပွဲတွင် မိုးလေ၀သ ပညာရှင် ဦးထွန်းလွင်က ဆိုပါသည်။

Ultraviolet Ray ဟုခေါ်သည့် ခရမ်းလွန်ရောင်ခြည် ကျရောက်မှုနှုန်း မြန်မာနိုင်ငံတွင် မြင့်တက်နေသည့်အတွက် အထူးသတိထား သွားလာကြဖို့ ၊ အထူးသဖြင့် သင်္ကြန်ကာလအတွင်း အဝတ်အစား လုံလုံခြုံခြုံ ဝတ်ဆင်ကြဖို့ မြန်မာ့မိုးလေဝသ ပညာရှင် ဦးထွန်းလွင်က သတိပေးခဲ့သည်။

ခရမ်းလွန်ရောင်ခြည် ညွှန်းကိန်းဟာ (၁၁)အထက် ကျော်နေသောကြောင့် သတ်မှတ်စိုးရိမ် ညွှန်းကိန်းအထက်သို့ ရောက်ရှိနေတာဖြစ်ကြောင်း ၎င်းကပြောခဲ့သည်။
"မြန်မာပြည်မှာ သင်္ကြန်ကာလမဟုတ်တဲ့ ရိုးရိုးချိန်မှာတောင် ကားတွေကသိပ်ကျပ်တယ်၊ တစ်နေရာရောက်ရင် တော်တော်နဲ့ကို မထွက်နိုင်ဘူး၊ သင်္ကြန်ကာလဆို မဏ္ဍပ်တွေဘာတွေ သွားမယ်ဆိုရင်တော့ အနည်းဆုံး ၄ နာရီ ၅ နာရီလောက်က ကားစီးပြီး နေပူထဲမှာနေရမယ့် သဘောရှိနေတယ်၊ အန္တရာယ်ပိုကြီးတယ်ပေါ့ဗျာ၊ ဒီရေတို့ဘာတို့နဲ့ နီးနီးကပ်ကပ်ရှိတယ် ရေက အငွေ့ပျံတဲ့သဘာဝရှိတော့ ခရမ်းလွန်ရောင်ခြည်က ရေပေါ်မှာကျလို့ အလင်းပြန်ရင် လူကိုပိုထိခိုက်တယ်၊ အဲ့တော့သင်္ကြန်မှာ ခရမ်းလွန်ရောင်ခြည်ရဲ့ အန္တရာယ်က ပိုရှိတယ်"
သင်္ကြန်ကာလ ဧပြီလအတွင် ခရမ်းလွန်ရောင်ခြည်ညွှန်းကိန်း ပိုများမယ်လို့ ယူဆရပြီး ခရမ်းလွန်ရောင်ခြည်ဒဏ်မှ ကာကွယ်နိုင်ဖို့ ဦးထုပ် အဝိုင်းကြီးကြီးဆောင်းဖို့ ၊ နေရောင်ခြည်ကာ မျက်မှန်တပ်ဖို့နဲ့ အဝတ်အထည်များ လုံလုံခြုံခြုံ ဝတ်ဆင်ကြဖို့ ဦးထွန်းလွင်က အကြံပေးခဲ့သည်။
ကမ္ဘာ့လေထုအထက်မှာရှိနေတဲ့ အိုဇုန်းလွှာ ပါးတဲ့အတွက် ကမ္ဘာမြေပေါ် ခရမ်းလွန်ရောင်ခြည် ကျရောက်တာဖြစ်ပြီး ခရမ်းလွန်ရောင်ခြည်ဟာ ကျန်းမာရေးအတွက် အန္တရာယ်ရှိကြောင်းလည်း သိရသည်။

အညွှန်းကိန်း ၈၊ ၉၊ ၁၀၊ ၁၁ အထိ သက်ရောက်ပါက အရေပြားဆိုင်ရာ ရောဂါများ၊ အမြင်အာရုံ ချို့တဲ့သည့် ရောဂါများနှင့် ၁၃၊ ၁၄ အထိ သက်ရောက်ပါက သားသမီး မရနိုင်သည့် သုတ်ပိုးသေတဲ့ ရောဂါများအထိ သက်ရောက်နိုင်ပါတယ်။

ယခုနှစ် ဖေဖော်ဝါရီလ နောက်ဆုံးပတ်က ရန်ကုန်မြို့၌ ခရမ်းလွန်ရောင်ခြည် အမြင့်ဆုံးအမှတ် ၁၂ ဒသမ ၈ အထိ ကျရောက်ခဲ့ပြီး ကော့သောင်းမြို့တွင် ၁၃ ဒသမ ၂၊ ထားဝယ်မြို့တွင် ၁၃ ဒသမ ၂၊ ပုသိမ်မြို့တွင် ၁၃ ဒသမ ၁၊ နေပြည်တော်တွင် ၁၁ ဒသမ ၇၊ မော်လမြိုင်မြို့တွင် ၁၂ ဒသမ ၈၊ ဘားအံမြို့တွင် ၁၂ ဒသမ ၈၊ လွိုင်ကော် ၁၂ ဒသမ ၄ ၊ တောင်ကြီးတွင် ၁၂ ဒသမ ၀ အထိ အသီးသီး ကျရောက်ခဲ့သည်။

“မနှစ်က မြန်မာနိုင်ငံမှာ ခရမ်းလွန်ရောင်ခြည် ကျရောက်မှုက အဆင့် ၁၀၊ ၁၁ ပဲရှိတယ်။ ဒီနှစ်မှာ ၁၃ အထိ ရှိလာတယ် ဆိုတော့ ပိုများလာတယ်လို့ ဆိုနိုင်တယ်။ မြန်မာနိုင်ငံအပြင် ထိုင်းနိုင်ငံ၊ မလေးရှားနိုင်ငံ၊ အင်ဒိုနီးရှားနိုင်ငံနဲ့ အိန္ဒိယနိုင်ငံတွေမှာပါ ခရမ်းလွန်ရောင်ခြည် အဆင့် ၁၃ နီးပါး ကျရောက်နေတယ်” ဟု ဦးထွန်းလွင်က ပြောသည်။

“နေကထွက်လာတဲ့ ခရမ်းလွန်ရောင်ခြည်က စွမ်းအင်မြင့်တဲ့အတွက် လူတွေနဲ့ထိရင် အန္တရာယ်ရှိတယ်။ ဒါကြောင့် ခရမ်းလွန်ရောင်ခြည်ကို အန္တရာယ်ရှိသော ရောင်ခြည်များလို့လည်း ခေါ်တယ်။ ဒါတွေကို လူသားတွေဆီ မရောက်အောင် သဘာဝတရားက လေထုထဲမှာ ကာကွယ်ပေးထားတာ ရှိတယ်။ အဲဒါက အိုဇုန်းလွှာပဲ။ ကမ္ဘာမှာ ဓာတ်ငွေ့ထုတ်လုပ်မှု များလာတဲ့အတွက် အိုဇုန်းလွှာက ပေါက်သွားပြီ။ ဒါကြောင့် ခရမ်းလွန်ရောင်ခြည်က ကမ္ဘာကို တိုက်ရိုက်ထိလာပြီ” ဟု ဒေါက်တာထွန်းလွင်က ပြောသည်။

မြန်မာနိုင်ငံတွင် ခရမ်းလွန်ရောင်ခြည်၏ အညွှန်းကိန်းကို ၂၀၁၂ ခုနှစ်တွင် စတင်တိုင်းတာခဲ့ခြင်း ဖြစ်ပြီး ခရမ်းလွန်ရောင်ခြည်၏ အညွှန်းကိန်းကို တိုင်းတာရာတွင် သုညမှ ၃ အထိကို အနိမ့်စား၊ အဆင့် ၄ မှ ၇ အထိကို အသင့်အတင့်၊ ၈နှင့် အထက်ကို အန္တရာယ်ရှိ အဆင့်အဖြစ် သတ်မှတ်ထားသည်။

“ခရမ်းလွန်ရောင်ခြည် သက်ရောက်မှု အများဆုံး အချိန်က မွန်းတည့်ချိန်ပေါ့။ တစ်နေ့လုံး မဟုတ်ပါဘူး။ မွန်းတည့်ချိန်ကို ရှေ့တစ်နာရီ နောက်တစ်ရီဆိုတော့ နံနက် ၁၁ နာရီကနေ မွန်းလွဲ၂ နာရီလောက် အထိကို နေပူထဲသွားလာတာတွေ သတိပြုပါ။ အကာအကွယ်မဲ့ မသွားပါနဲ့။ ထီး၊ နေကာမျက်မှန်၊ အင်္ကျီ ထူထူ စတာတွေကို ၀တ်ဆင်သင့်ပါတယ်၊ အညွှန်းကိန်း ၉ အထက် အဆင့်က အမြင်အာရုံ ချို့ယွင်းတာတွေ၊ အရေပြားဆိုင်ရာ ပြဿနာတွေ သတိပြုသင့်တယ်” ဟု ၎င်းက ပြောကြားသည်။

မြန်မာနိုင်ငံတွင် နှစ်စဉ် ဧပြီလသည် အပူဆုံးလဖြစ်ပြီး မေလ၀န်းကျင်အထိ အပူချိန်မြင့်မားမှုဒဏ်ကို ခံစားရမည်ဖြစ်ကြောင်း သိရသည်။ဒါကြောင့် ကျွန်တော့ IT Bank က စာဖတ်ပရိတ်သတ်တွေကို တစ်ခု သတိပေးချင်တာကတော့ သင်္ကြန်မှာ ကဲမယ်ဆိုရင်လဲ ဦးထုပ် ၊ အနွေးထည်လက်ရှည်ထူထူ တို့ဝတ်ဆင်ထားသင့်ပါတယ်။သင်္ကြန် အချိန်အခါ မဟုတ်လဲ နွေရာသီမှာ ကိစ္စတစ်ခုခုကြောင့် အပြင်သွားရတယ်ဆိုရင်ပဲ ဦးထုတ်၊ ထီးတို့ကို ယူသွားသင့်ပါတယ်။နေရောင်ခြည် ကာကွယ်နိုင်တဲ့ အကာအကွယ်တစ်ခုခု ယူသွားပါလို့ ကျွန်တော် အထူးအကြံပေးချင်ပါတယ်ဗျာ။ကျွန်တော့ IT Bank Site ကို လာလည်တဲ့ စာဖတ်ပရိတ်သတ်တွေ အားလုံး နှစ်သစ်မင်္ဂလာမှာ စိတ်၏ ကျန်းမာခြင်း ကိုယ်၏ကျန်းမာခြင်းနဲ့ ပြည့်စုံကျပြီး နှစ်သစ်မှာ ဘေးအန္တရာယ်တွေ ကင်းရှင်းစွာဖြင့် နှစ်သစ်သင်္ကြန်မှာ ပျော်ရွှင်နိုင်ကြပါစေလို့ ဆုမွန်ကောင်းတောင်းပေးလိုက်ပါတယ်ဗျာ။ကျွန်တော် ဒီ Post လေးကို Online ပေါ်က Web Site တွေကနေ အနည်းငယ်ကူးယူဖော်ပြပေးထားတာဖြစ်ပါတယ်ဗျာ။

ကြိုးစားလျက်....!

(YeKyawPhyo)

About Ye Kyaw Phyo

This is a short description in the author block about the author. You edit it by entering text in the "Biographical Info" field in the user admin panel.