ကိုယ့်ခန္ဓာ ရဲ့ အမွန်မြတ်ဆုံး အလှုဒါန

 ကျွန်တော် အခု ပြောပြမဲ့ Post လေးကတော့ ကျန်းမာရေး အကြောင်းလေးလဲ ဖြစ်တယ်။ပြီးတော့ ကိုယ်ကိုတိုင် အလှုဒါနလေး လုပ်ကြည့်ပြီး ကုသိုလ် ဖြစ်စေမဲ့ သွေးလှုတဲ့ အကြောင်းလေးပါ။သွေးလှူတယ်ဆိုတာ အင်မတန်ကိုမှ မွန်မြတ်တဲ့ အလှူဒါနပါ။ သွေးလှူခြင်းဟာ နာကျင်မှု မရှိသလို အချိန်လည်းပေးစရာ သိပ်မလိုပါဘူး။ ဒါ့အပြင် ကိုယ်လှူလိုက်တဲ့ သွေးကြောင့် တစ်စုံတစ်ယောက် အသက်ရှင်သွားရတယ်ဆိုတဲ့ အသိက အင်မတန်ကိုမှ ပီတိ ဖြစ်စရာပါ။ ယခုအခါ သွေးလှူဘဏ်မှာ ကိုယ်တိုင်ကိုယ်ကျ သွားရောက် လှူဒါန်းတာတွေ ရှိသလို အထိမ်းအမှတ်နေ့တွေမှာ မိတ်ဆွေတွေ အုပ်စုလိုက် သွေးလှူဒါန်းတာမျိုးလည်း ရှိနေတာ သာဓုခေါ်စရာပါ။ ဒါပေမဲ့ လူနာတွေပြည့်နှက်နေတဲ့ ဆေးရုံကြီးမှာ လိုအပ်တဲ့ သွေးပမာဏ လုံလောက်တဲ့အထိတော့ မရှိသေးပါဘူး။ ဒါကြောင့် မွန်မြတ်လှတဲ့ အလှူဒါနဖြစ်တဲ့ သွေးလှူခြင်းကို ပြုလုပ်ကြပါလို့ တိုက်တွန်းလိုပါတယ်။

၁။ မလှူခင်ညမှာ ပြင်ဆင်ပါ

သွေးလှူမယ့်နေ့ မတိုင်ခင်မှာ သံဓာတ် ကြွယ်ဝတဲ့ အစားအစာတွေ စားပေးပါ။ အဆီများတဲ့ အစာတွေ ရှောင်ပါ။ သွေးစစ်တဲ့အခါ အဆီ(Lipid) တွေများနေပါက သွေးစစ်ရ ခက်ခဲတတ်ပါတယ်။ သံဓာတ် ကြွယ်ဝတဲ့ အစာတွေကတော့ အနီရောင်အသား၊ ဟင်းနုနယ်တို့ ဖြစ်ပါတယ်။

၂။ ကောင်းကောင်း အိပ်ပါ

နောက်တစ်ရက် သွေးလှူရာမှာ လှူဒါန်းလိုက်တဲ့ သွေးအစား ခန္ဓာကိုယ်ထဲ သွေးတွေ ပြန်ပြည့်လာစေဖို့ အားတွေ လိုအပ်ပါတယ်။ ဒါကြောင့် အိပ်ရေးဝအောင် အိပ်ပေးပါ။

၃။ မလှူခင် အစာစားပါ

ကိုယ်က မနက်စာကို စားလေ့မရှိတာတောင်မှ သွေးလှူမယ့်နေ့မှာတော့ မနက်စာကို စားဖြစ်အောင် စားပါ။ အကယ်၍ သွေးလှူမယ့်အချိန် ညနေဘက်မှာဆိုရင်လည်း နေ့လယ်စာကို ပုံမှန်စားကာ သွေးမလှူခင် မုန့်အနည်းငယ် စားပေးပါ။

၎။ မလှူခင် အရည်သောက်ပါ

သွေးမလှူခင် ရေ ဒါမှမဟုတ် အချိုရည် သောက်ပေးပါ။ ကဖင်းဓာတ် ပါရှိတဲ့ လက်ဖက်ရည်၊ ကော်ဖီ မသောက်ပါနဲ့။ ကဖင်းဓာတ်က ရေဓာတ်ဖြည့် မပေးတဲ့အပြင် ရေဓာတ်ကိုတောင် ခြောက်သွေ့သွားစေနိုင်ပါတယ်။

၅။ အ၀တ်အစား ချောင်ချောင်ချိချိ ၀တ်ပါ

သွေးလှူပါက တံကောက်ဝတ်ရှိ သွေးကြောကနေ သွေးထုတ်ယူတာကြောင့် အင်္ကျီလက်ရှည် ၀တ်ပါက အပေါ်ကို ခေါက်တင်ရာမှာ အဆင်မပြေနိုင်ပါဘူး။ ဒါ့အပြင် သွေးပေါင်ချိန် တိုင်းရာမှာလည်း လက်မောင်းမှာ တိုင်းတာကြောင့် ပွပွချောင်ချောင်နဲ့ လက်တိုအင်္ကျီဖြစ်ပါက ပိုကောင်းပါတယ်။

၆။ ကိုယ့်ကျန်းမာရေး ရာဇ၀င်ကို သိပါ

သွေးလှူရာမှာ အခက်ကြုံနိုင်တဲ့ ကျန်းမာရေး အခြေအနေနဲ့ ပတ်သက်တဲ့ မေးခွန်းတချို့ကို ဖြေရမှာပါ။ ဒါကြောင့် ကိုယ့်ကျန်းမာရေး ရာဇ၀င်ကို သိနေသင့်ပါတယ်။ ဒါ့အပြင် အခုလက်ရှိ သုံးဆောင်နေတဲ့ ဆေးဝါးတွေကိုလည်း သိသင့်ပါတယ်။ တချို့ဆေးဝါးတွေက သင်သွေးလှူရာမှာ ပြဿနာ ဖြစ်နိုင်တာကြောင့်ပါ။ ကိုယ်အမြဲသောက်နေကျ ဆေးဝါးတွေ နာမည်ကို သိထားသင့်ပါတယ်။ မိန်းကလေးတွေ အနေနဲ့လည်း ကိုယ့်ဓမ္မတာ ရာသီစက်ဝန်းကို သိထားသင့်ပါတယ်။ ရာသီလာချိန်နဲ့ လာအပြီး အနည်းငယ်အတွင်းမှာ သွေးအားနည်းနေတာကြောင့် သွေးလှူလို့ မရပါဘူး။

၇။ စောစော သွားပါ

သွေးမလှူခင် ဖောင်ဖြည့်စရာတို့၊ အချက်အလက်တွေ ဖတ်ကြည့်စရာတို့ ရှိပါတယ်။ လက်ချောင်းထိပ်ကို အပ်နဲ့ဖောက်ပြီး သွေးစစ်စရာလည်း ရှိပါတယ်။ ဒါကြောင့် အချိန်ကိုက် မသွားပါနဲ့။ စောစောသွားပါ။

၈။ သွေးလှူဒါန်း ကြာချိန်ကို သိပါ

တကယ့်သွေးလှူတဲ့ဖြစ်စဉ်ဟာ ၁၅ မိနစ်လောက်သာ ကြာပါတယ်။ အမျုိးသားတွေက အမျုိး သမီး တွေထက်စာရင် သွေးမြန်မြန် ပိုထွက်ပါတယ်။ ခန္ဓာကိုယ်အချိုးအစားနဲ့ သွေးပမာဏပေါ် မူတည်လို့ပါ။ ဒါပေမဲ့ အခြား သွေးလှူရှင်တွေနဲ့ သွေးအရင်ပြည့်ချိန်ကို မပြိုင်ပါနဲ့။ စိတ်အေးအေးထားပြီး ပီတိပွားနေပါ။ မျက်စိမှိတ် မထားပါနဲ့။ သင့်ကို မျက်စိ ဖွင့်ခိုင်းထားမှာပါ။ ဒါမှ သင်မူးနေလား၊ မူးမနေဘူးလားဆိုတာ သိရမှာပါ။

၉။ သွေးလှူပြီးပြီးချင်း ခဏနားပါ

သွေးလှူဒါန်းပြီးတဲ့အခါမှာလည်း သွေးလှူဘဏ်က ကျွေးတဲ့ မုန့်နဲ့အအေးကို သောက်ပါ။ ခဏလေး ထိုင်နားပြီး အစားအစာ အေးအေးဆေးဆေး စားပါ။ သင် ဘယ်လိုနေသေးလဲဆိုတာကို အကဲခတ်နေကြမှာပါ။ ဒါကြောင့် မူးနေပါက ဒါမှမဟုတ် သွေးထုတ်ထားတဲ့နေရာက သွေးယိုထွက်နေပါက ဒါမှမဟုတ် နာကျင်နေပါက သူတို့ကို အသိပေးလိုက်ပါ။

၁၀။ သံဓာတ်အားဖြည့်ဆေး သောက်ပါ

သွေးလှူပြီး နောက်ရက်အနည်းငယ်အတွင်း သံဓာတ်အားဖြည့်ဆေး သောက်ပါမှ လှူဒါန်းလိုက်တဲ့ သွေးက ခန္ဓာကိုယ်မှာ မြန်မြန်ပြည့်လာမှာပါ။ သွေးလှူပြီး နောက်ထပ် ၂၄ နာရီမှ ၄၈ နာရီအတွင်း အရည်များများ သောက်ပေးရန်လည်း လိုအပ်ပါတယ်။ကဲ ဒီလောက်ဆိုရင် ကျွန်တော့ ၀က်ဆိုဒ်လေးကို လာလည်တဲ့ သူငယ်ချင်းတွေ အားလုံး ကျန်းမာရေး ဗဟုသုတလေးတွေ ရရှိပြီး သွေးလှုရင်း ကုသိုလ်လေးတွေ ရနိုင်ကြပါစေလို့ ဆုမွန်ကောင်းတောင်းပေးလိုက်ပါတယ်ဗျာ။ကျွန်တော် Tamplate လေးတွေ ပြောင်းနေလို့ စာဖတ်ပရိတ်သတ်တွေကို အနှောင့်အယှက်လေးများ ဖြစ်သွားခဲ့ရင် ကျွန်တော် အနူးအညွှတ်တောင်းပန်ပါရစေလားဗျာ။

Written By - (Dr.NuMyat)

From - Delo

                                                                                                                                          ကြိုးစားလျက်....!

                                                                                                                                           (Yekyawphyo)

Share on Google Plus

About Ye Kyaw Phyo

This is a short description in the author block about the author. You edit it by entering text in the "Biographical Info" field in the user admin panel.