အမျိုးသမီးများရဲ့ ရင်သား ကျန်းမာရေးအတွက် စားသင့်သည့် အစာများ(For Lady)

Fig ~ 1

ကျွန်တော် အခု ပြောပြမဲ့ Post လေးတွေကတော့ အမျိုးသမီးတွေနဲ့ သက်ဆိုင်တဲ့ ကျန်းမာရေးဆိုင်ရာ ဗဟုသုလေး တစ်ခုကိုပြောပြပေးသွားပါ့မယ်ဗျာ။ကျွန်တော့ IT Bank Site ကစာဖတ်ပရိတ်သတ်တွေ ထဲမှာလဲ အမျိုးသမီးစာဖတ်ပရိတ်သတ်တွေလဲ အနည်းနဲ့ အများတော့ ရှိကြမယ်ဆိုတာ သေချာပါတယ်ဗျာ။

သင့်ရင်သား ကျန်းမာစေရန် စားသင့်သည်များ

အိုမီဂါ - ၉

နှလုံး ကျန်းမာရေး အတွက် အိုမီဂါ-၃ အဆီ စားသင့်တယ် ဆိုတာ သိထားကြပေမယ့် အိုမီဂါ-၉ အဆီကို စားသုံးဖို့ လိုတယ်ဆိုတာ သင်သိချင်မှ သိပါ လိမ့်မယ်။
မကြာသေးမီက ပြုလုပ်ခဲ့တဲ့ သုတေသနတွေ အရ အိုမီဂါ-၉ က ကင်ဆာဆဲလ် တွေကို သေစေနိုင်ပြီး ရင်သား ကင်ဆာ ရောဂါအတွက် သောက်နေရတဲ့ ဆေးတွေရဲ့ အာနိသင်ကို ပိုမို ထက်မြက် စေပါတယ်။ အိုမီဂါ -၉ ဆိုတာ အိုလိအက်စစ် (Oleic Acid) ဖြစ်ပြီး ဗန်ဒါစေ့၊ ထောပတ်သီးနဲ့ သံလွင်ဆီတို့တွေမှာ ပါဝင်ကြပါတယ်။ကျွန်တော်တို့ မြန်မာနိုင်ငံမှာတော့ အဲ့ဒီ သုံးမျိုးက ဖေါဖေါသိသိကို ရရှိနေတာဖြစ်ပါတယ်။ပြောင်းလဲမှု အဆင့်ဆင့် မပြုလုပ်မီ ပထမဆုံး ကြိတ်ယူ ရရှိလာတဲ့ သံလွင်ဆီမှာ ဖိုက်တိုကမ်မီကယ်တွေ ပါဝင်တာကြောင့် Free radicals တွေကို ဟန့်တား ပေးပါတယ်။ တစ်နေ့ကို အိုမီဂါ-၉ အဆီ အနည်းဆုံး စားသင့်တဲ့ ပမာဏက ထောပတ်သီး တစ်လုံးရဲ့ ငါးပုံတစ်ပုံ၊ ဗန်ဒါစေ့ တစ်အောင်စ၊ သံလွင်ဆီ ထမင်းစားဇွန်း တစ်ဇွန်းကိုနေ့စဉ်စားသုံးပေးပါ။

အပိုဆောင်း ရနိုင်သော အကျိုးတရား

သုတေသီ တွေက အိုမီဂါ - ၉ မှာ မပြည့်ဝဆီတွေ ပါဝင်တာကြောင့် ဗိုက်မှာရှိတဲ့ အဆီတွေ လျော့ကျ စေတယ်လို့ ဆိုပါတယ်။ အင်ဆူလင်ဆေး မတိုးတာကို လျှော့ချပေးပြီး နှလုံးရောဂါ ဖြစ်ပွား နိုင်ခြေကို ပါ လျော့နည်းစေ တယ်လို့ ပြောပါတယ်။

ဖလေဗိုနွိုက်

အင်တီ အောက်ဆီးဒင့် တစ်မျိုးဖြစ်ပြီး ရောင်ရမ်းမှု လျှော့ချပေးနိုင်တဲ့ အာနိသင်အပြင် ကင်ဆာ ဖြစ်စေနိုင်တဲ့ အန္တရာယ်တွေ ကိုလည်း လျှော့ချပေး ပါတယ်။ ဖလေဗိုနွိုက် တွေက Free radicals ကို ဖယ်ရှားပေးပြီး ဆဲလ်နံရံတွေ ပျက်စီးမှု မရှိအောင် ကာကွယ် ပေးပါတယ်။ လက်ဖက်စိမ်း၊ စပျစ်သီးနဲ့ ချောကလက် အညိုမှာ ဖလေဗိုနွိုက်တွေ များစွာ ပါဝင်ပါတယ်။ နေ့စဉ် သင်စားတဲ့ အစားအသောက်တွေထဲမှာ ဖလေဗိုနွိုက် ပါဝင်အောင် စားပေးပါ။

အပိုဆောင်း ရနိုင်သော အကျိုးတရား

ဖလေဗိုနွိုက်က သွေးကြောနံရံတွေကို ပျော့ပျောင်း စေပြီး သွေးကြောတွင်း သွေးခဲ ဖြစ်ပေါ်မှုနှုန်း လျော့နည်းစေခြင်းဖြင့် နှလုံး ကျန်းမာရေးကို အထောက်အကူ ပြုပါတယ်။

ဗီတာမင်အေ

လတ်တလော တွေ့ရှိချက်အရ ဗီတာမင်အေက ရင်သား ကင်ဆာ ရောဂါနဲ့ ဆက်စပ်မှု ရှိနိုင် တယ်လို့ သုတေသီတွေက ပြောပါတယ်။ ဗီတာမင်အေက အင်တီ အောက်ဆီးဒင့် ဖြစ်တာကြောင့် Free Radicals တွေရဲ့ ဖျက်ဆီးမှုကနေ ကာကွယ် ပေးတာကြောင့်လို့ လေ့လာသူ တွေက ကောက်ချက်ချ ပါတယ်။ အစိမ်းရင့်ရောင် ဟင်းသီးဟင်းရွက်တွေဖြစ်တဲ့ ပန်းဂေါ်ဖီ စိမ်းနဲ့ ဟင်းနုနယ်ရွက်၊ လိမ္မော်ရောင် အသီးအရွက်တွေဖြစ်တဲ့ မုန်လာဥနီ၊ ကန်စွန်းဥ၊ သရက်သီးတွေမှာ ဗီတာမင်အေ ပေါများစွာ ပါဝင်နိုင်ပါတယ်။ မိန်းကလေး တစ်ယောက်က တစ်နေ့ကို ဗီတာမင်အေ ၇၀၀-၉၀၀ မိုက်ခရိုဂရမ် လိုအပ်ပါတယ်။ ဗီတာမင်အေက အဆီမှာ ပျော်ဝင်တဲ့ ဗီတာမင်ဖြစ်ပြီး ပိုလျှံနေပါက အသည်းထဲမှာ သိုလှောင် သိမ်းဆည်း ထားပါတယ်။ ခန္ဓာကိုယ်ထဲကို ကာလကြာရှည်စွာနဲ့ ပမာဏ များများ ရောက်ရှိနေ ပါက ခန္ဓာကိုယ်မှာ အဆိပ်အတောက် ဖြစ်စေပါတယ်။ ဒါကြောင့် ဗီတာမင်အေ ရရှိဖို့ ဆေးသောက်မယ့် အစား အစားအစာကနေ ရအောင် ယူသင့်ပါတယ်။

ပိုဆောင်း ရနိုင်သော အကျိုးတရား

ဗီတာမင်အေက သင့်ခန္ဓာကိုယ်ရဲ့ ခုခံအားစနစ်ကို ထိန်းထား ပေးပါတယ်။

ဖောလိတ်

ဖောလိတ်က ဒီအင်န်အေ မပျက်စီးအောင် ထိန်းပေးပြီး ဆဲလ်တွေ ကြီးထွားဖို့လည်း လိုအပ်ပါတယ်။ သဘာဝ အစားအစာတွေ ကနေ ရယူစားသုံးပါက ခန္ဓာကိုယ်ထဲမှာ လွန်ကဲ သွားတယ်ဆိုတာ မဖြစ်နိုင်ပါဘူး။ အစိမ်းရင့်ရောင် ဟင်းသီး ဟင်းရွက်တွေ၊ ပဲအမျိုးမျိုး၊ ပဲညွန့်နဲ့ အချဉ်ဓာတ် ပါဝင်တဲ့ အသီးတွေကနေ ရရှိနိုင်ပါတယ်။ တစ်နေ့ကို ၄၀၀ မိုက်ခရိုဂရမ်လောက် လိုအပ်ပြီး ၁၀၀၀ မီလီဂရမ်ထက် ကျော်လွန်ပါက အန္တရာယ် ရှိနိုင်ပါတယ်။

အပိုဆောင်း ရနိုင်သော အကျိုးတရား

ခန္ဓာကိုယ်မှာ သွေးနီဥတွေ ထုတ်လုပ်ဖို့အတွက် ဖောလိတ် လိုအပ်ပါတယ်။

လိုင်ကိုဖင်း

လိုင်ကိုဖင်းက ရင်သား ကင်ဆာဆဲလ်တွေ ကြီးထွားမှုကို ဟန့်တား နိုင်ပါတယ်။ ဖရဲသီး၊ ကညွတ်၊ မာလာကာသီး၊ သင်္ဘောသီးနဲ့ ခရမ်းချဉ်သီးတွေ ကနေ ရယူ နိုင်ပါတယ်။ ခရမ်းချဉ်သီးကို ချက်ပြုတ်စားပါက အစိမ်းထက် လိုင်ကိုဖင်းဓာတ်ကို ပိုမိုရရှိနိုင်ပါတယ်။ အဆီမှာ ပျော်ဝင်တာကြောင့် ခရမ်းချဉ်သီးကို ချက်ပြုတ်စားပါက သံလွင်ဆီ ထည့်ချက်ပြီး တစ်ပတ် နှစ်ကြိမ် စားပေးပါ။

အပိုဆောင်း ရနိုင်သော အကျိုးတရား

လိုင်ကိုဖင်းက အဆုတ်နဲ့ အစာအိမ်ကင်ဆာ ဖြစ်ပွားမှုတွေကိုပါ ကာကွယ် ပေးနိုင်ပါတယ်။

ဗီတာမင်ဒီ

ရင်သား ကင်ဆာရောဂါ ခံစားနေရသူတွေရဲ့ ၅၀ ရာခိုင်နှုန်းမှာ ဗီတာမင်ဒီ ချို့တဲ့ နေတတ်ပါတယ်။ လေ့လာမှုအရ အမေရိကန်နိုင်ငံမှာ နေထိုင်ကြတဲ့ အမျိုးသမီးတွေရဲ့ ၅၃ ရာခိုင်နှုန်းက ဗီတာမင်ဒီ ချို့တဲ့နေတာကို တွေ့ရ ပါတယ်။ ဗီတာမင်ဒီကို ဆယ်လ်မွန်ငါး၊ တူနာငါး၊ မက်ကရယ်ငါးနဲ့ ဥအမျိုးမျိုးကနေ ရယူနိုင်ပါတယ်။

အပိုဆောင်း ရနိုင်သော အကျိုးတရား

ခန္ဓာကိုယ် အတွက် ဗီတာမင်ဒီ လုံလောက်တဲ့ ပမာဏအတိုင်း ရှိနေပါက ရင်သား ကင်ဆာတင် မကပါဘူး။ အားလုံးသော ကင်ဆာရောဂါတွေကနေ ကာကွယ်နိုင်ပြီး အရွယ် မတိုင်မီ သေဆုံးနိုင်ခြေလည်း လျော့နည်း စေနိုင်ပါတယ်။
ဇာခြည်ဝင်း (ဆေးဝါးတက္ကသိုလ်)
GOOD HEALTH
ကျွန်တော် ဒီ Post လေးကို Aye Chan Mon Facebook Media မှကူးယူထားပြီး စာသားအနည်းငယ်ပြင်ဆင်ပြီး ကျွန်တော့ IT Bank ကစာဖတ်ပရိတ်သတ်တွေ အဆင်ပြေအောင်ဖတ်ရှုနိုင်ဖို့ ပြုလုပ်ပေးထားပါတယ်ဗျာ။ကဲ......ကျွန်တော့ IT Bank Site က စာဖတ်ပရိတ်သတ်ကြီးတွေ အားလုံး စိတ်၏ကျန်းမာခြင်း ကိုယ်၏ကျန်းမာခြင်းနဲ့ ပြီးပြည့်စုံကြပါစေလို့ ဆုမွန်ကောင်းတောင်းပေးလိုက်ပါတယ်ဗျာ။
ကြိုးစားလျက်.....!
(Yekyawphyo)

About Ye Kyaw Phyo

This is a short description in the author block about the author. You edit it by entering text in the "Biographical Info" field in the user admin panel.